Úndistanda bir táýlikte 45352 adam COVID-19 juqtyryp, 366 adam kóz jumǵan
NЬıÝ-DELI. QazAqparat – Úndistanda ótken táýlikte 45 352 adam koronavırýs juqtyryp, 366 adam kóz jumdy, dep habarlaıdy QazAqparat IndiaToday-ge silteme jasap.
3 qyrkúıek kúni tańerteńgi jaǵdaı boıynsha, elde koronavırýs juqtyrǵandardyń jalpy sany 32,9 mln adamnan asty. Kovıdten qaıtys bolǵandar sany 440 myńǵa jetti.
Úndistannyń densaýlyq saqtaý mınıstrliginiń málimetinshe, 32 mln astam turǵyn vırýstan jazylyp ketken.
Qazirgi ýaqytta Úndistannyń 670 mln-nan astam turǵyny vaktsınanyń birinshi komponentin saldyrǵan.
Beısenbi kúni elde 47 092 adam koronavırýs juqtyryp, sońǵy eki aıda rekordtyq kórsetkishke jetti.
Ótken táýlikte Úndistanda 45 352 adam koronavırýsqa shaldyǵyp, 366 adam qaıtys boldy. Olardyń basym bóligi Keral shtatynyń turǵyndary - 32 803 adam. 4 456 ınfektsııa Maharashtra shtatynda anyqtalsa, Mızoramda 1 992, Tamılnad shtatynda 1 509 jáne Andhra-Pradesh shtatynda 1 186 adam koronavırýs juqtyrǵan.
Ádilet Seıilhanov
