Úndistanda bir táýlikte 410 adam koronavırýstan kóz jumdy
NЬıÝ-DELI. QazAqparat - Úndistanda koronavırýs indetine shaldyqqan adamdardy emdeýge arnalǵan álemdegi eń úlken aýrýhanalardyń biri ashyldy. Bul kúni elde bir táýlikte koronavırýske shaldyqqan adamdardyń rekordtyq sany tirkeldi. Bul týraly QazAqparat CNN-ge silteme jasap habarlaıdy.
Úndistanda 10 myń naýqasqa arnalǵan Sardar Patel COVID Care Centre medıtsınalyq mekemesi jeksenbi kúni jumysyna kiristi. Ázirge aýrýhana 2000 patsıentti qabyldaı alady, dep habarlaıdy QazAqparat CNN-ge silteme jasap.
Sardar Patel COVID Care Centre aýrýhanasynyń «álemdegi eń úlken aýrýhanalardyń biri» ekeni habarlandy.
Sońǵy táýlik ishinde elde koronavırýske shaldyǵýdyń 19 906 jańa oqıǵasy tirkelgen, 410 adam qaıtys boldy. Al jalpy elde aýrýǵa shaldyqqandar sany 528 859 adamǵa jetip, indetten 16 095 adam kóz jumǵan.
