Úndistanda bir táýlikte 30-dan astam adam naızaǵaı soǵyp, ajal qushty

NUR-SULTAN. QazAqparat – Úndistan soltústigindegi Ýttar-Pradesh shtatynda ótken táýlikte kem degende 32 adamǵa jaı túsip, mert qylǵan. NDTV telearnasynyń habarlaýynsha, buǵan qosa taǵy 13 adam zardap shekken.

Qazir Úndistan aýmaqtaryna mýsson nóseri jaýatyn maýsym. Muhıttan qurlyqqa qaraı soǵatyn mýsson jelderi saldarynan úzdiksiz qýatty naızaǵaılar jarqyldaıdy.

Ótken táýlikte jaı túsip, qaza tapqandar sany kúrt artty. Ásirese Gang ózeniniń jaǵasynda ornalasqan Kanpýr jáne Fatehpýr qalalarynda adam shyǵyny kóp. Bulardyń árbirinde naızaǵaıdan bes adamnan ólgen.

Shtat úkimeti qurban bolǵandardyń týystaryna jáne japa shekkenderge kómek kórsetiletindigin málimdedi.

Eske sala keteıik, buǵan deıin AQSh-tyń Florıda shtatyndaǵy jaǵajaıda segiz adamnyń naızaǵaıdan japa shekkenin habarlaǵan edik.