Úndistanda bir táýlikte 20-dan astam adam naızaǵaı soǵyp, ajal qushty
DELI. QazAqparat – Úndistandaǵy Ýttar-Pradesh soltústik shtatynda naızaǵaı saldarynan bir táýlikte keminde 23 turǵyn mert bolyp, 29 adam jaraqat aldy. Bul týraly QazAqparat NDTV telearnasyna silteme jasap habarlaıdy.
Telearnanyń málimeti boıynsha segiz adam Allahabadta, Mırzapýr men Bhadohı qalalarynda alty adam, taǵy ekeýi Kaýsambı qalasynda, bireýi Djaýnpýrda kóz jumǵan.
Jergilikti bılik qaza tapqandardyń týystaryna ótemaqy tóleýge ýáde berdi.
Buǵan deıin Bıhar shtatynda naızaǵaı saldarynan 130-ǵa jýyq adam mert bolǵan edi.
