Úndistanda bir kúnde jaı túsip, 32 adam ajal qushty
NUR-SULTAN. QazAqparat – Úndistannyń soltústik-shyǵysynda Bıhar shtatynda nóser jańbyr tolassyz jaýǵan kezde jaı túsip, bir táýlikte 32 adam mert boldy. Bul týraly sársenbi kúni India Today jýrnaly habarlady.
«Bıhar úkimeti ár qaza tapqan adamnyń týystaryna $5,7 myń kóleminde aqshalaı ótemaqy tóleıdi», - dep málimdedi jergilikti bılik ókilderi. Atalyp ótilgendeı, tabıǵı apattan kóz jumǵandar arasynda áıelder men balalar bar. Apat bolǵan aýmaqta izdeý-qutqarý operatsııasy júrgizilip jatyr.
Budan buryn Bıhar shtatynda sý tasqynynan 102 adam jáne jaı túsip taǵy 11 adam mert bolǵany habarlandy.
Maýsymnyń sońynda Ońtústik Azııaǵa sońǵy on jyldaǵy eń kúshti mýsson keldi. Tolassyz jaýǵan jańbyrdan kólik qozǵalysy qıyndap, ǵımarattar qırady jáne qaıǵyly oqıǵalar kóp boldy.
