Úndistanda bir apta buryn kóshkin astynda qalǵan 10 sarbazdyń biri tiri tabyldy
ASTANA. QazAqparat - 3 aqpanda Gımalaıda Sıachen muzdyǵynda oryn alǵan kóshkinniń astynda qalǵan úndistandyq on sarbazdyń bireýi tiri tabyldy.
Bul týraly Úndistan qurlyq áskeri Soltústik qolbasshylyǵynyń resmı ókili D.S. Hýda habarlady, dep málimdedi TASS.
«Qutqarý operatsııasy barysynda 10 sarbazdyń biri ǵana tiri tabyldy», - dep atap ótti ol jáne kóshkin júrgen kezde sarbazdar 5,6 myń metr bıiktikte bolǵanyn eske aldy.
Ásker ókilderiniń aıtýynsha, sarbaz aptaǵa jýyq 7,62 metr qar astynda jatqan. «Ol aýyr jaǵdaıda Nıý-Delıdegi áskerı gospıtalǵa jetkizildi», - dep qosty Hýda.
1984 jyldan beri Sıachen muzdyǵynda 8 myń sarbaz qaza tapqan, negizinen barlyǵy tabıǵı apat saldarynan oryn alǵan.
