Úndistanda bes jasar qyzdy turmysqa berdi
ASTANA. QazAqparat - Indýıstik festıvalda ata-analary bes jasar qyzdaryn on bir jastaǵy balaǵa turmysqa shyǵýǵa májbúrledi, dep málimdedi MIGnews.ru.
Kýágerler úılený toıyn vıdeoǵa túsirip, jelige salǵan. Rolıkte úndistandyq Radjastan shtatynda kishkentaı balalardyń neke qııý rásimi kórsetilgen. BAQ habarlaǵandaı, zańsyz ındýıstik rásimde Úndistanda belgilengen nekege otyrý jasynan (áıelder 18 jas, erler 21 jas) kishi balalar arasynda 12-ge jýyq úılený toıyn uıymdastyrǵan.
Úndistannyń aýyldyq jerlerinde balalardy úılendirý qalypty jaǵdaı sanalady. Ata-analary erte úılený neke úshin qolaıly dep esepteıdi.
Polıtseıler festıvaldan keıin balalaryn úılenýge májbúrlegen otbasylarǵa qarsy birneshe qylmystyq is qozǵady. Olardyń barlyǵy quqyq qorǵaý organdarynan boı tasalap júrgeni habarlanady.
