Úndistanda basy tutas, deneleri bólek sıam egizderi dúnıege keldi
ASTANA. QazAqparat - Úndistannyń shyǵysyndaǵy Gýdjarat shtatynda basy jáne bet-júzi tutasyp ketken sıam egizderi dúnıege keldi, nárestelerdiń júregi, qol-aıaqtary bólek, dep habarlaıdy The Daily Mail.
Basylymnyń aqparatyna súıensek, náresteler dúnıege kelgen soń alty mınýt ómir súrgen.
Egizder dúnıege kelgen Radjkot aýrýhanasynyń dárigeri Kırtan Vııas dárigerlerdiń bul oqıǵanyń qaıǵyly aıaqtalýyna daıyn bolǵanyn jáne ata-anasyna balalardyń mıyn bólý otasyn ótkizý múmkin emes ekenin eskertken. Onyń aıtýynsha, úndilik dárigerlerdiń akýsherlik tájirıbesindegi bul jaǵdaı mıllıonnan bir ret kezdesedi. Sondaı-aq, Vııas osyndaı aýytqýshylyqtar júktiliktiń birinshi úsh aıynda anyqtalatynyn, biraq egizderdiń anasy birinshi ýltradybystyq zertteýdi tek jetinshi aıynda jasatqanyn aıtyp ótti.
Basylymnyń habarlaýynsha, sıam egizderiniń ata-anasy olardyń denelerin zertteý júrgizý úshin memlekettik medıtsınalyq kolledjge beretin bolyp sheshken.
