Úndistanda barlyq eresek adamdardy COVID-19-ǵa vaktsınalaý bastaldy
Baǵdarlama aıasynda Úndistan úkimeti elde óndirilgen vaktsınalardyń 75%-yn satyp alyp, olardy el shtattaryna taratady. Belgili bir aımaq alatyn vaktsınalardyń sany halyqtyń sanyna, COVID-19 jaǵdaılarynyń sanyna jáne koronavırýsqa qarsy vaktsınalaý sanyna baılanysty bolady. Elde óndirilgen vaktsınalardyń qalǵan 25%-yn shtattar men jeke klınıkalar satyp ala alady.
SOVID-19-ǵa vaktsınalaý Úndistanda 16 qańtarda bastaldy, 30 sáýirge deıin bılik vaktsınalardy tegin taratty. Sol ýaqytta dárigerler, medbıkeler, polıtsııa jáne tótenshe jaǵdaılar qyzmetkerleri, sondaı-aq 45 jastan asqan adamdar vaktsına aldy.
Úndistanda COVID-19 ınfektsııasynyń jańa jaǵdaılarynyń ósýi osy jyldyń aqpan aıynyń sońynan bastap tirkeldi, 21 sáýirden 17 mamyrǵa deıin kún saıyn jańa jaǵdaılardyń sany 300 myńnan asty. Bul kez kelgen elge qaraǵanda kóp bolatyn. Mamyr aıynda 5 táýlik boıy olardyń sany 400 myńnan asyp turdy.
Úndistannyń Densaýlyq saqtaý mınıstrligi habarlaǵandaı, pandemııa kezinde elde koronavırýs juqtyrǵandardyń jalpy sany 29,9 mıllıon adamǵa jetti, 28,7 mıllıonnan astam adam saýyyqty, 386 myńnan astam adam qaıtys boldy.
