Úndistanda balalardyń súıiktisine aınalǵan qoltyraýyndy 500 adam jerledi
ASTANA. QazAqparat - Úndistanda qoltyraýyndy jerleý rásimine 500 adam qatysty, dep habarlaıdy Hindustan Times basylymy.
Úndistannyń Chhattısgarh eldi mekeninde Gangaram atty qoltyraýyn jergilikti turǵyndardyń dosyna aınalǵan bolatyn. 130 jasqa tolǵan reptılııa kárilikten «dúnıe saldy».
Turǵyndar qoltyraýyndy saltanatty túrde jerledi. Óıtkeni, ol ózi mekendegen basseınge kelgendermen birge júzip júretin bolǵan.
«Gangarammen birge tipti kishkentaı balalar da shomyla beretin. Ol eshkimge shabýyldamaıtyn, qoı aýzynan shóp almaıtyn momyn edi. Gangaram qoltyraýyn emes, bizdiń dosymyz bolatyn», - deıdi jergilikti turǵyndardyń biri Basavan.
Janýar «kózi tirisinde» kúrishpen, basqa da dándi daqyldarmen qorektendi.
Eldi meken basshysynyń aıtýynsha, qoltyraýyndy erekshe súıgen turǵyndar onyń qabiriniń basyna eskertkish ornatpaq.
