Úndistanda avtobýstyń kópirden qulaýy saldarynan 10 adamnyń ómiri qıyldy
ASTANA. 23 shilde. QazAqparat - Úndistannyń Karnataka shtatynda avtobýstyń kópirden kólge qulaýy saldarynan on adam qaza boldy jáne taǵy ony iz-túzsiz joǵalǵandar retinde sanaldy.
Shtat polıtsııasynyń habarlaýynsha, avtobýs júrgizýshisi qarsy kelgen mashınamen soǵylýdan qashýǵa talpynǵan kórinedi, alaıda ol kólikti basqara almaı qalǵan.
VVS-diń jazýynsha, dúısenbide Karnatakada taǵy iri jol-kólik oqıǵasy oryn alǵan edi. Onda mınıven men avtobýstyń soqtyǵysýynan 18 adamnyń ómiri qıyldy. BUU statıstıkasyna qaraǵanda, avtoapattardyń sany boıynsha Úndistan álemde birinshi orynda tur.
