Úndistanda avtobýstyń arnaǵa qulaýy saldarynan kem degende 21 adam qaza tapty
ASTANA. 27 mamyr. QazAqparat - Úndistanda avtobýstyń Hazar arnasyna qulaýy saldarynan kem degende 21 adam qaza tapqan, taǵy 23 adam zardap shekti.
Bul týraly úndistandyq BAQ-qa silteme jasap, RosBıznesKonsaltıng habarlaıdy.
Belgili bolǵandaı, oqıǵa qarańǵy keshte Ýttar-Pradesh shtatynda oryn alǵan. Farrýkhbada qalasynan Delı qalasyna júrip kele jatqan avtobýstyń júrgizýshisi rýlge ıe bola almaı qalǵan. Kýágerlerdiń sózine qaraǵanda, júrgizýshi mas bolǵan.
Qutqarýshylar arnadan qaza bolǵan 21 adamnyń denesin alyp shyqty. Oqıǵa nátıjesinde jalpy alǵanda 10 er adam, tórt áıel, sonyń ishinde nekege tirkelgennen keıin Gazıabad qalasyna qaıtyp kele jatqan turmysqa jańa shyqqan áıel qaza tapqan. Sonymen qatar, jeti bala qaza tapty.
Taǵy jergilikti turǵyndardyń jáne polıtseılerdiń kúshimen 23 adam qutqaryldy. Sonymen qatar, birneshe jolaýshy iz-tússiz joǵalǵan bolyp sanalady, olardyń sany anyqtalýda, polıtsııa izdeý jumystaryn júrgizýde.
