Úndistanda avtobýs jyraǵa qulap, 8 adam qaza tapty, 40-tan astamy jaraqattandy
NUR-SULTAN. QazAqparat – Úndistanda jol apaty saldarynan kem degende segiz adam qaza taýyp, 40-tan astam adam jaraqat aldy. Bul týraly India TV habarlady.
Quqyq qorǵaý organdarynyń málimetinshe, oqıǵa senbi kúni keshke Úndistannyń ońtústik-shyǵysyndaǵy Andhra-Pradesh shtatynda bolǵan. Avtobýs jyraǵa qulaǵan. Polıtsııa apatqa jyldamdyqty arttyrý sebep bolǵanyn aıtyp otyr.
Zardap shekkender aýrýhanalarǵa jetkizildi. Shtattyń bas mınıstri Djagan Mohan Reddı qurban bolǵandardyń otbasylaryna 200 000 rýpııa (6 500-nan astam dollar) tóleıtinin málimdedi. Apat kezinde zardap shekkenderge 50 000 úndi rýpııasy (660 dollardan astam) beriledi.
«Andhra-Pradesh shtatynyń Chıttor qalasynda bolǵan jantúrshigerlik avtobýs apatynda qaza tapqandardyń jaqyndaryna qaıǵyryp kóńil aıtamyn. Zardap shekkender tez arada saýyǵyp ketedi dep úmittenemin», - dep jazdy Úndistan premer-mınıstri Narendra Modı Twitter-degi paraqshasynda.
