Úndistanda avtobýs jyraǵa qulap, 11 adam opat boldy
ASTANA. QazAqparat - Úndistannyń Djammý jáne Kashmır shtatynda jolaýshy avtobýsy jyraǵa qulap, 11 adam mert boldy, taǵy 19-y jaraqat alǵan. Bul týraly jergilikti Greater Kashmir gazeti densaýlyq saqtaý departamentine silteme jasap habarlaıdy.
Senbi kúni tańerteń Loran eldi mekeninen Pýnchqa bara jatqan avtobýs Pýnch okrýginde jan túrshigerlik jol apatyna ushyraǵan.
«19 adam apat saldarynan jaraqat alǵan. Jaǵdaıy aýyr bes adam aýdandyq aýrýhanaǵa jetkizildi», - dep málimdedi densaýlyq saqtaý departamentiniń ókili Saıd Mýshtak Hýsseın.
Qazir keleńsiz jaǵdaıdyń sebep- saldary tekserilip jatyr.
