Úndistanda avtobýs shatqalǵa qulap, 8 adam qaza tapty
ASTANA. QazAqparat - Úndistanda avtobýs shatqalǵa qulap, nátıjesinde 8 adam qaza tapty. Taǵy 35 jolaýshy ár túrli dárejedegi jaraqat aldy, dep habarlaıdy RIA Novostı.
Oqıǵa dúısenbi kúni keshke Úndistandaǵy Madhıa-Pradeshı shtatynyń Dhar okrýginde oryn alǵan. Іshinde 60 jolaýshysy bar avtobýs tereńdigi 30 metr shatqalǵa qulaǵan.
Qazirgi kezde oqıǵa ornynda qutqarýshylar men polıtsııa jumys jasap jatyr. Apattyń sebepteri áli belgisiz.
Aıta keteıik, Úndistannyń joldary álemdegi eń qaýipti joldardyń birine jatady. Jyl saıyn ár túrli aımaqtarda jol apatynan myńdaǵan adam kóz jumady. Kóp jaǵdaıda jol apatyna júrgizýshilerdiń salǵyrttyǵy, shamadan tys kóp adam tasymaldaý nemese joldyń nasharlyǵy sebep bolady.
