Úndistanda avtobýs shatqaldan qulap, on adam qaza tapty
ASTANA. QazAqparat - Úndistanda Mızoram shtatynyń ońtústiginde avtobýs shatqaldan qulap ketti. Bul týraly jergilikti BAQ habarlady.
Oqıǵa senbi kúni keshke bolǵan. Jekemenshik avtobýs Aıdjal qalasyna bet alǵan. Apat saldarynan 10 adam qaza taýyp, 9 adam jaralandy. Zardap shekken úsh adamnyń hali aýyr jaǵdaıda.
Zardap shekkenderge birinshi bolyp taıaý jerdegi aýyl turǵyndary kómekke kelgen. Polıtsııanyń aıtýynsha, júrgizýshi rýldi mas kúıinde basqarǵan. Al, kýágerler avtobýstyń qatty jyldamdyqpen kele jatyp, qarsy jolaqqa shyǵyp júk kóligimen soqtyǵysqanyn aıtty.
