Úndistanda avtobýs pen júk kóligi soqtyǵysyp, 20 adam qaza tapty
NUR-SULTAN. QazAqparat – Úndistannyń soltústigindegi Ýttar-Pradesh shtatynda janatyn materıaldardy tasıtyn júk kóligi men avtobýs soqtyǵysyp, saldarynan 20 adam qaza tapty. Bul týraly juma kúni The Times of India gazeti jergilikti polıtsııaǵa silteme jasap habarlady.
Avtobýs Kannaýdj qalasynan Djaıpýr qalasyna bara jatqan. Jergilikti polıtsııa ınspektorynyń málimetinshe, órt sóndirilgen. Qazirgi ýaqytta shuǵyl kómek kórsetý operatsııasy júrgizilip jatyr.
Polıtsııanyń deregi boıynsha, soqtyǵysqan kólikterde 70 adam bolǵan. Qurbandar sany artýy múmkin. 21 adamdy kúıik shalyp, aýrýhanaǵa jetkizildi.
