Úndistanda avtobýs ózenge qulap, alty adam qaza tapty
NUR-SULTAN. QazAqparat – Úndistanda beısenbige qaraǵan túni jolaýshylar avtobýsy ózenge qulap, kem degende 6 adam kóz jumdy, 20-ǵa jýyq adam jaraqat aldy, dep habarlaıdy QazAqparat ANI aqparattyq agenttigine silteme jasap.
Keleńsiz jaǵdaı ortalyq Madhıa-Pradesh shtatynyń Raısen okrýginde bolǵan.
Qurbandardyń ishinde 2 jasar bala men eki áıel bar.
Polıtsııa jol-kólik apatynyń sebepterin tergeý isin bastady. Bılik ókilderi qaza tapqandar men zardap shekkenderge qarjylaı kómek kórsetýge ýáde berdi.
