Úndistanda avtobýs ózenge qulap, 27 adam mert boldy
ASTANA. QazAqparat - Senbi kúni joldan shyǵyp ketken avtobýs ózenge qulaǵan. Qaza tapqandardyń sany kem degende 27 adam, dep habarlaıdy TASS .
Bul málimetti ND TV arnasy polıtsııa aqparatyna súıene otyryp taratqan.
Aqparatqa sáıkes, jol apaty Savaı-Madhopýr aımaǵynda bolǵan. Avtobýstaǵy jolaýshylar sany - 50. ND TV sonymen qatar, jaralanǵandardyń kóp ekenin aıtady. Ázirge atalmysh oqıǵaǵa baılanysty naqty aqparattar berilgen joq. Jol apatynyń sebepteri de aıtylmaı otyr.
