Úndistanda avtobýs apatynan 13 reseılik qaza tapty
ASTANA. QazAqparat - Úndistannyń soltústiginde Ýttarakhand shtatynda Bhagırathı ózenine reseılik týrıster mingen avtobýs qulap ketti, dep habarlady RBK India Today basylymyna silteme jasaı otyryp.
Óńir polıtsııasynyń derekteri boıynsha apat saldarynan 13 adam qaza taýyp, 11 jolaýshy zardap shekken, bireýi habar-osharsyz ketti.
Shtat bıligi oqıǵa ornyna medıtsınalyq ushaq jiberdi. Ol jaralanǵandardy Dehradýn qalasyna aýrýhanaǵa jetkizbek. Úndistandaǵy Reseı elshiliginiń baspasóz hatshysy Tatıana Kopyleva qurbandar sany naqtylanyp jatqanyn málim etti. Onyń aıtýynsha, 13 nemese 14 reseılik qaıtys bolǵan. Elshilikke basqa aqparat túspegen. Reseı týroperatorlary qaýymdastyǵynyń atqarýshy dırektory Maııa Lomıdze «Interfaksta» 13 reseılik týrısttiń qaza tapqanyn rastady. Olar Úndistannyń soltústigi boıynsha saıahattaǵan dindarlar bolýy múmkin degen boljam bar. «Bul jerde býddısterge arnalǵan kıeli oryndar jeterlik. Negizi qaza tapqandar týrıster bolmaýy múmkin, olar týrfırma kómegine júginbeı, óz betterinshe sol oryndardy aralaýǵa shyqqan bolýy múmkin», - dedi ol. Lomıdze sondaı-aq týrısterdi Úndistanǵa jiberýmen aınalysatyn birde-bir reseılik fırma ázirge avtobýsta óz klıentteri bolǵanyn ekenin rastaǵan joq dep qosty.
