Úndistanda avtobýs apatqa ushyrap, 37 adam qaza boldy
ASTANA. 19 naýryz. QazAqparat - 19 naýryz kúni tańerteń Goadan Mýmbaıǵa bet alǵan jolaýshylar avtobýsy Úndistannyń batysyndaǵy Maharashtra shtatynda apatqa ushyrady.
Jol apaty saldarynan kem degende 37 adam mert boldy, dep habarlady RBK.
Aldyn ala málimetter boıynsha, júrgizýshi mashınaǵa ıe bola almaı jol jıegindegi qorshaýǵa soǵyldy, odan keıin tartylyp qalǵan ózen arnasyna qulap ketken.
Apat saldarynan 10-ǵa jýyq jolaýshy jaraqat aldy, zardap shekkenderdiń arasynda shetel azamattary da bar. Jol oqıǵasy faktisi boıynsha tekseris júrgizilýde.
Osyǵan uqsas oqıǵa Úndistanda 2011 jyly bolǵan. Ol kezde Úndistannyń baqylaýyna kiretin bóliktegi Kashmır daýly provıntsııasynda jolaýshylar avtobýsy 100 metrlik bıiktikten shyńyraýǵa qulap ketken bolatyn. Saldarynan kem degende 10 adam qaza bolyp, taǵy 50-ge jýyq jolaýshy jaraqattar aldy.
