Úndistanda avtobýs apatqa ushyrap, 14 adam mert boldy
Andhra-Pradesh. QazAqparat – Úndistannyń Andhra-Pradesh shtatynda bolǵan apat saldarynan 14 adam qaza taýyp, taǵy tórt adam jaraqattandy, dep habarlaıdy QazAqparat «The Times Of India» gazetine silteme jasap.
Derek kóziniń aıtýynsha, Karnýl okrýginiń aýmaǵyndaǵy Madar Pýram eldi mekeni mańynda jolda mıkroavtobýs pen júk kóligi soqtyǵysyp, 14 adam oqıǵa ornynda kóz jumǵan. Qaıtys taqandardyń arasynda balanyń bolǵandyǵy da aıtylady. Tórt adam, onyń ishinde eki bala aýyr jaraqat aldy.
Basylymnyń málimetinshe, zardap shekkender aýrýhanaǵa jiberilgen, olardyń jaǵdaıy aýyr.
Polıtsııanyń aıtýynsha, apatqa mıkroavtobýstyń uıyqtap ketken júrgizýshi nemese kóliktiń jarylǵan shınasy sebep bolýy múmkin.
