Úndistanda aýyl turǵyndary sıqyrmen aınalysqany úshin áıeldiń basyn aldy
ASTANA. QazAqparat - Úndistannyń shyǵysyndaǵy Assam shtatyndaǵy aýyldardyń biriniń turǵyndary qart áıeldi dýagerlikpen aınalysty dep aıyptap, basyn shapqan, dep habarlady jergilikti polıtsııa.
63 jastaǵy áıelge aýyl turǵyndary arasynda aýrý taratty degen kiná taqqan.
Sonıtpýr aýdanyndaǵy aýyl turǵyndary syrqattanyp qalyp, olardyń keıbireýleri buǵan Pýrnı Orangty aıyptaǵan, dedi jergilikti polıtseı Bı-Bı-Sı agenttigine.
"Keıin olar áıeldi óltirdi", - dedi ol.
Ólimge qatysy bar degen kúdikpen jeti adam ustaldy. Onyń ishinde eki názik jandy bar.
Polıtsııa aqparatynsha, sońǵy bir jarym aıda Assam shtatynda 90-ǵa jýyq adamnyń (negizinen áıelder) bastary shabylǵan, soqqyǵa ushyrap ajal qushqan, órtengen. Jergilikti turǵyndar olardy sıqyrshy jáne mystandar dep eseptegen.
