Úndistanda aýrýhanadaǵy órt 10 sábıdiń ómirin qıyp ketti
NЬıÝ-DELI. QazAqparat – Maharashta shtatyndaǵy aýrýhanada bolǵan órt kezinde 10 náreste qaza tapty, dep habarlaıdy QazAqparat NDTV telearnasyna silteme jasap.
Telearna habarlaýynsha, órt senbi kúni 02:00 shamasynda Bhandara okrýgindegi aýrýhananyń jańa týǵan nárestelerge kútim jasaý bóliminde bastalǵan. Sol sátte aýrýhanada 17 sábı bolǵan.
Qutqarýshylar jeti náresteni aman alyp qaldy, biraq olardyń arasynda zardap shekkender bar. Al kishisiniń týǵanyna birneshe kún bolǵan, úlkeni úsh aılyq 10 bala gazdan ýlanyp, kóz jumdy. Órttiń shyǵý sebebi anyqtalyp jatyr. Boljam boıynsha, elektr jelisiniń qysqa tuıyqtalýy sebep bolǵan.
Úndistannyń premer-mınıstri Narendra Modı qaıǵyly oqıǵaǵa baılanysty kóńil aıtty. «Maharashtra shtaty, Bhandarada óte qaıǵyly oqıǵa bolyp, biz nárestelerimizden aıyryldyq. Men qaza tapqandardyń otbasymen birgemin. Zardap shekkender tez arada saýyǵyp ketedi dep úmittenemin», - dep jazdy premer óziniń Twitter paraqshasynda.
