Úndistanda aýrýhanada bolǵan órt 8 adamnyń ómirin qıyp ketti
NUR-SULTAN. QazAqparat – Úndistannyń Gýdjarat shtatynyń batysyndaǵy Ahmedabad qalasynyń aýrýhanasynda órt bolyp, 8 adam qaza tapty, dep habarlaıdy QazAqparat The Times of India basylymyna silteme jasap.
Aldyn ala málimet boıynsha, órttiń tutanýyna jeldetý júıesindegi keleńsizdik sebep bolǵan. Qyzyl jalyn jarty saǵatta sóndirildi. Tilsiz jaýmen ondaǵan qutqarýshy men 15 arnaıy tehnıka kúresti. Qalǵan naýqastar ýaqytsha basqa aýrýhanalarǵa kóshirildi.
Úndistan premer-mınıstri qaza tapqandardyń otbasyna kóńil aıtyp, órtten zardap shekken azamattardyń tezirek saýyǵyp ketýin tiledi.
