Úndistanda aýany jasandy jańbyr jaýǵyzý arqyly tazartpaq
ASTANA. QazAqparat - Lastanǵan aýadan zardap shegip júrgen Úndistan astanasy Nıý-Delı qalasynyń bıligi atmosferany jasandy jańbyr jaýǵyzý arqyly tazartýǵa nıetti.
Bul jospardy Aýanyń lastanýyn qadaǵalaıtyn Ortalyq departament pen Kanpýrdegi Tehnologııalyq ınstıtýt mamandary usyndy, dep habarlaıdy The Economic Times gazeti.
10 qarashada bastalatyn operatsııaǵa ushaqtar jumyldyrylmaq. Olar bulttarǵa jaýyn-shashyn shaqyratyn arnaıy zattardy shashady.
Aıta ketken jón,úndi astanasy - álemdegi aýasy eń las qala.
5 qarashada Úndistannyń Delı Ulttyq astanalyq aımaǵynda aýanyń lastaný deńgeıi DDSU-nyń ornatqan qaýipti normasynan 25 ese kóp boldy.
