Úndistanda aýa temperatýrasy 50 gradýsqa jetti
ASTANA. QazAqparat - Úndistanda aýa temperatýrasy Tselsıı shkalasy boıynsha 50,5 gradýsqa jetti, bes shtatta tótenshe jaǵdaı jarııalandy. Bul týraly eldiń meteorologııa departamentine silteme jasap TASS habarlady.
Sońǵy málimetter boıynsha, sársenbi Radjasthan shtatynyń Phalodı qalasynda synap baǵanasy 50,5 gradýsqa jetti. Bul Úndistandaǵy rekordtyq kórsetkishten 1 gradýsqa ǵana tómen.
«1956 jyly osy shtattaǵy Alvar qalasynda 50,6 gradýs ystyq tirkeldi. Alaıda, aldaǵy kúnderi Soltústik, Batys jáne Ortalyq Úndistanda temperatýra joǵarylaıdy, sondyqtan rekord jańartylýy múmkin», - dedi departament dırektory Brahma Prakash ıAdav.
Osyǵan baılanysty Úndistannyń apattyq jaǵdaılardyń saldaryn joıý boıynsha ulttyq basqarmasy Harıana, Radjasthan, Gýdjarat, Madhıa-Pradesh shtattary men Delı odaqtyq aýmaǵynda tótenshe jaǵdaı jarııalady.
Nıý-Delıde temperatýra 47 gradýstan asty.
Jańbyrdyń bolmaýy jaǵdaıdy ýshyqtyryp otyr. 330 mln adam turatyn 256 okrýgte aýyz sý tapshylyǵynan zardap shegýde. Kúrdeli jaǵdaı - ońtústiktegi Odıshe, Telangane jáne Andhra- Pradeshe shtattarynda oryn alyp otyr.
Ótken jyly aptap ystyq saldarynan 2 myńnan astam adam qaza tapty. Apatpen kúresý úshin ortalyq úkimet aǵymdaǵy jyldyń sáýir aıynan 240 mlrd rýpıı ($3,6 mlrd) bóldi.
