Úndistanda Astananyń 20 jyldyǵy toılandy

BEIJІŃ-DELI. QazAqparat - Qazaqstan Respýblıkasynyń Úndistandaǵy elshiligi Astananyń 20 jyldyǵyna oraı merekelik shara ótkizdi, dep habarlaıdy «QazAqparat» HAA-nyń QHR-daǵy menshikti tilshisi.

Oǵan Úndistannyń úkimet, parlament ókilderi, iskerler jáne qoǵamdyq belsendiler, BAQ jáne Delıde akkredıtatsııadan ótken dıplomatııalyq mıssııalardyń ókilderi qatysty. Úndistannyń Qazaqstandaǵy elshisi Prabhat Kýmar men burynǵy elshi Ashok Sadjanhar sharanyń qurmetti qonaǵy boldy. Qonaqtar Qazaqstanda ótkizgen ýaqyty men Astananyń damý qarqyny týraly jyly pikirlerin bildirdi.

Sharada sóz sóılegen Qazaqstan Respýblıkasynyń Úndistandaǵy elshisi Bolat Sársenbaev Astananyń qalyptasý tarıhynyń negizgi kezeńderine toqtalyp, elordanyń Qazaqstannyń jalpy damýyna, sondaı-aq halyqaralyq beıbitshilik pen qaýipsizdikke qosyp otyrǵan súbeli úlesi týraly aıtty.

Sharada Astananyń damýy týraly birqatar vıdeorolık kórsetilip, Qazaq ulttyq óner ýnıversıtetiniń «Nurorda» folklor-etnıkalyq ansambli kontsert qoıdy.