Úndistanda asaý tolqyn 20 stýdentti shaıyp ketti
ASTANA. QazAqparat - Úndistannyń Hımachal-Pradesh shtatynda Manalı qalasyna ekskýrsııaǵa ketken 24 stýdent iz-tússiz joǵalyp ketti. Olardy toǵannan kóterilgen sý basyp, ózenge aǵyzyp jiberdi, dep habarlaıdy RIA Novostı.
Oqıǵa ótken jeksenbide Beas ózeniniń jaǵasynda oryn aldy. Sýretke túsýge aıaldaǵan stýdentterdi janynda salynyp jatqan gıdroelektrostansanyń rezevýarynan kóterilgen sý basyp, tolqynmen ózenge qaraı aǵyzyp jibergen. Qazir oqıǵa ornynda izdeý-qutqarý jumystary júrgizilýde. Jergilikti bılik stýdentterdiń bári birdeı tiri tabylatynyna kúmándi. Al turǵyndar men týrıster bolsa, ashýǵa minip, narazylyqtaryn bildirý úshin Beas ózeniniń mańyndaǵy joldy jaýyp tastady. Olar bılikti sýdyń kóteriletini jaıly der kezinde habarlamaǵany úshin kinálaýda.
