Úndistanda aptap ystyqtan 220 adam qaza tapty
ASTANA. QazAqparat - Úndistanda eki apta boıy saqtalǵan aptap ystyqtyń saldarynan 220 adam kóz jumdy, dep habarlady www.24.kz.
Buǵan deıin 150 adamnyń qaza bolǵany týraly habarlanǵan bolatyn. Marqumdardyń jartysyna jýyǵy - Andhra-Pradesh pen Telengan shtatynyń turǵyndary. Bul aımaqtarda aýanyń temperatýrasy 47 gradýsqa deıin kóterilgen. Eldiń densaýlyq saqtaý mınıstrliginiń málimetteri boıynsha áli aýyzsý asa tapshy aımaqtardaǵy 330 mln adamnyń ómirine qaýip tónip tur. Aıta ketý kerek, Úndistanda eń ystyq kezeń - sáýir men maýsym aılary. Ótken jyly kúnniń ystyq bolýynan 2,5 myń úndi azamaty qaza tapqan.
