Úndistanda aptap ystyqtan 167 adam kóz jumdy
ASTANA. QazAqparat - Úndistanda bir jarym aıdyń ishinde aptapt ystyqtan 167 adam ajal qushty, dep habarlaıdy 24.kz.
Portaldyń habarlaýynsha, qaıtys bolǵan azamattardyń barlyǵy Telıngana shtatynyń turǵyndary. Óıtkeni sońǵy ýaqytta óńirde aýa temperatýrasy 40 gradýstan tómen túspeı tur. Tipti termometr baǵany 47 gradýsty kórsetken kúnder de bolǵan. Al sınoptıkterdiń boljamy kóńil kónshitpeıdi. Olar «aptap ystyq áli biraz ýaqyt saqtalady» dep topshylaıdy.
Aıta ketken jón, byltyr Úndistanda aýa raıynyń osyndaı qolaısyzdyǵynan 700-ge jýyq adam kóz jumǵan. Óıtkeni 2016 jyl eldiń meteobaqylaý tarıhyndaǵy eń ystyq jyl retinde tirkelgen.
