Úndistanda aptap ystyq: jergilikti bılik kúndiz tamaq pisirýge tyıym saldy
ASTANA. QazAqparat - Úndistan bıligi eldiń keı aımaqtarynda órttiń aldyn alý maqsatynda kúndiz tamaq pisirýge tyıym saldy, dep habarlaıdy sheteldik BAQ.
Aıta keteıik, sońǵy ýaqyttarda Úndistanda qurǵaq ári qatty ystyq aýa raıy aımaqtarda órt shyǵýǵa birden-bir sebep bolyp otyr. Keı jerlerde aýa temperatýrasy 44 gradýs Tselsııge deıin kóterilgen.
Qaýipti aımaqtardyń qataryna Úndistannyń soltústik-batysyndaǵy Bıhar shtaty kirdi. Ol jerde bılik jergilikti turǵyndarǵa saǵat tańǵy 9-dan keshki 18-ge deıin tamaq pisirýge tyıym saldy. Sebebi ol jerdegi úılerdiń basym bóliginiń shatyry sabanmen jabylaǵan. Aımaqta únemi jel soǵyp turǵandyqtan shatyrdan órt shyǵýy múmkin. Basylym jazǵandaı, osyndaı órt saldarynan 79 adam, onyń ishinde 10 bala qaıtys bolǵan. Tamaq pisirýden bólek elde otty qajet etetin keıbir dinı joralǵylardy da jasaýǵa da tyıym saldy. Erejeni buzǵandar qatań jazalanatyn bolady.
