Úndistanda aptap ystyq saldarynan 500-den astam adam qaza tapty
ASTANA. QazAqparat - Sońǵy úsh aptada Úndistanda 500-den astam adam aptap ystyqtyń qurbany boldy. Bul týraly eldegi apattardyń saldaryn joıý boıynsha memlekettik departamentten habarlady.
Úndistannyń basym aýmaǵynda aptap ystyq oryn aldy. Aýyz sýdyń jetispeýshiligi saldarynan 330 mln adam turatyn 256 okrýg zardap shegýde, dep jazdy TASS.
«Jaǵdaı ońtústikte ornalasqan Odıshıa, Telangan jáne Andhra-Pradesh shtattarynda ýshyǵyp tur. Munda sońǵy eki aptada shamamen 500 adam mert boldy», - delingen habarlamada. Odıshıada birneshe ret eldegi eń joǵary temperatýra baıqalǵan. Munda synap baǵanasy Tselsııa boıynsha +48 gradýsqa jetken.
Aptap ystyq saldarynan Odıshıada 198 adam, kórshiles Telanganda 260 astam, Andhra-Pradeshte 70-ten astam adam ajal qushty. Ǵalymdar aldaǵy ýaqytta ystyq qaıtpaıtynyn aıtyp otyr.
«Bul jaz sońǵy 100 jyldaǵy eń ystyǵy bolady, ońtústiktegi eń joǵarǵy temperatýra 48 gradýstan asýy múmkin», - dep sanaıdy Úndistannyń meteorologııalyq qyzmetinde.
