Úndistanda aptap ystyq qurbandarynyń sany 150-den asty
ASTANA. Qazaqparat - Úndistanda ystyq qurbandarynyń sany 150-den asty, dep habarlady RIA Novostı. Budan buryn 130-dan astam adamnyń qaza tapqany habarlanǵan.
Sáýir basynan bastap Telangana shtatynda 100-den astam adam qaza tapty, taǵy 45-i Odısh shtatynda, al Andhra Pradeshte birneshe ondaǵan adam kóz jumdy.
Keıbir aýdandarda 46 gradýs ystyq belgilendi.
Odıshte aptap ystyq saldarynan 26 sáýirge deıin mektepter jabyldy. Al Telanganada mektep oqýshylary bir apta buryn demalysqa shyqty. Keıbir aýdandarda sý tapshylyǵy baıqalady.
Úndistan metrologııa departamenti 31 naýryzda bıyl sáýir men maýsym aralyǵynda temperatýra normadan joǵary bolatynyn eskertti.
