Úndistanda aptap ystyq qurbandarynyń sany 150 adamnan asty
ASTANA. QazAqparat - Úndistannyń ońtústik Andhra-Pradesh jáne Telangana shtattarynda aptap ystyq saldarynan qurban bolǵandar sany 150 adamnan asty. Buǵan deıin 65 adamnyń kóz jumǵany aıtylǵan edi, dep jazady RIA Novostı.
Jergilikti NDTV telearnasy habarlaǵandaı, Telangana shtatynda - 73 adam, al Andhra-Pradeshte - 80 turǵyn kóz jumǵan. Olardyń basym bóligi úısiz-kúısiz adamdar.
Meteorologtardyń habarlaýynsha, jaqyn kúnderi bul aımaqtarda kún taǵy da ysı túspek. Atalmysh shtattar bılikteri turǵyndardy saq bolýǵa shaqyryp, olarǵa úıden shyqpaýǵa keńes beredi.
Aıta keteıik, aýa temperatýrasynyń 40 gradýstan asýy sáýir jáne mamyr aılarynda Úndistannyń basym bóligine tán.
