Úndistanda alapat tsıklon 40-qa jýyq adamnyń ómirin qıyp ketti
NЬıÝ-DELI. QazAqparat – Úndistannyń batysynda sońǵy eki kúnde kúshti jel men nóser jańbyrdan soń bolǵan «Taýktae» tropıkalyq tsıklony saldarynan kem degende 38 adam qaza tapty, dep habarlaıdy QazAqparat PTI agenttigine silteme jasap.
Gýdjarat shtatynda kem degende 13 adam, al Maharashtra shtatynda kem degende 17 adam mert bolǵan. Al buǵan deıin Karnataka shtatynda segiz adamnyń kóz jumǵany týraly habarlanǵan bolatyn.
Ótken aptanyń sońynda Úndistannyń ońtústik-batys jaǵalaýyndaǵy Lakshadvıp araldary aýmaǵynda Arab teńizinde paıda bolǵan tsıklon kúshti nóser men 155-165 km/saǵ-tan 190 km/saǵ-qa deıingi surapyl jelge ulasty.
Gýdjarattyń bas mınıstri Vıdjaı Rýpanıdiń aıtýynsha, 16 myńnan astam úı búlingen, 40 myńnan astam aǵash jáne 70 myńnan astam elektr baǵanalary men elektr jelileriniń dińgekteri daýyl saldarynan qulaǵan, 5 951 aýyl elektr jaryǵynsyz qalǵan.
Maharashtra qalasynda aldyn ala baǵalaý nátıjesinde 11000-nan astam úıge jartylaı zııan kelgeni anyqtaldy. Bılik qırandylar men zardap shekkender týraly aqparat jınaýdy jalǵastyrýda.
