Úndistanda adam jegish jolbarys ustaldy
ASTANA. QazAqparat - Úndistanda alty adamdy óltirgen jolbarys ustaldy. Bul týraly Metro basylymy habarlady.
Jyrtqysh ań tórt aı buryn Pılıbhıt okrýgindegi qoryqtan qashyp ketken. Sodan beri aýyldardy aralap, ózine qorek izdegen, al qańtar aıynda adamdarǵa shabýyldaı bastaǵan. Jolbarysqa qurban bolǵandardyń kópshiligi dalada uıyqtap jatqan.
11 aqpan kúni jyrtqysh ań okrýgtegi eldi mekenderdiń birindegi túngi kúzetshige tap bergen. Baltamen jáne taıaqpen qarýlanǵan jergilikti turǵyndar jolbarysty izdeýge shyqqan. Birneshe saǵattan keıin ony orman kúzetshileri tapty. Ol er adam denesiniń parsha-parshasyn shyǵarǵan. Jyrtqysh ańdy trankvılızatory bar kishi naızamen uıyqtatyp, torǵa qamap, jergilikti turǵyndardyń qarsylyǵyna qaramastan Lakhnaý zoobaǵyna alyp ketti.
