Úndistanda 9 adamdy óltirgen pildi qaıta tártipke salmaq
ASTANA. QazAqparat - Úndistannyń Kerala shtatynda 9 adamdy óltirgen 40 jastaǵy pildi ustady, dep habarlady Daily Mirror basylymy.
Jergilikti turǵyndarǵa úsh jyl boıy shabýyldap kelgen analyq pildi Palghat okrýgindegi ózen mańynan tapty. Orman basshysy men 4 veterınar úıretilgen pilge minip onyń izine túsip taýyp, qaýipsiz jerge aıdap apardy. Oǵan tynyshtandyratyn dári egildi.
«Operatsııa 3.00-de bastaldy, - dedi veterınar Arýn Zaharıa (Arun Zachariah). - birinshi dári 7.00-de egildi, 9.00-de pildi júk kóligine tıedi. Ony tárbıeleý úshin Kodanad janýarlardy úıretý ortalyǵyna jetkizdi.
Pildiń alǵashqy qurbany 2014 jyly óltirilgen fermer boldy. 2017 jylǵy naýryzda ol áıeldi taptap ketti, sáýirde onyń shabýyldaýynan er adam kóz jumdy. Pil barlyǵy 9 adamdy óltirip, eki adamdy jaraqattaǵan.
