Úndistanda 50 oqýshy mingen avtobýs aýdaryldy
ASTANA. QazAqparat - Úndistannyń ońtústik-shyǵysyndaǵy Andhra-Pradesh shtatynda 50-ge jýyq oqýshy mingen mektep avtobýsy aýdaryldy, dep habarlaıdy NDTV telearnasy.
Oqıǵa Gýntýr okrýginde oryn alǵan. Avtobýsta daryndy balalar mektebiniń oqýshylary boldy. Apat saldarynan «zardap shekkenderdiń kóp ekendigi» atap ótilgen. Al úsheýiniń jaǵdaıy óte aýyr.
NDTV málimetinshe, avtobýs júrgizýshisi oqıǵa kezinde mas kúıinde bolǵan. Qazirgi kezde ol ustalyp, tergeýge alyndy.
ANI agenttigi jarııalaǵan fotosýretterde aýdarylǵan sary tústi avtobýs pen onyń qasynda adamnyń kóp jınalǵany kórinip tur. Agenttik sondaı-aq jol apaty saldarynan 17 adamnyń zardap shekkenin, eki balanyń aýyr jaraqat alǵanyn atap ótti. Olardyń barlyǵy jedel túrde aýrýhanaǵa jetkizildi.
Foto: twitter.com/ANI
