Úndistanda 50 mas pil eldi mekendi oırandady
ASTANA. 12 qarasha. QazAqparat - 50 orasan úlken janýar alkogoldi sýsyn izdep, jergilikti turǵyndardyń úılerin qıratty, dep habarlady Internovostı.rý.
Úndistandaǵy Dýmýrkota eldi mekeni 500 lıtrge jýyq alkogol iship masaıǵan pilderdiń shabýylyna tap boldy.
Pilder tabyny tamaq izdep, eldi mekenniń mańndaǵy kúrish jáne shaı plantatsııalarynda jaıylyp júrdi. Alaıda olardy jaqyn mańdaǵy dúkennen shyqqan jergilikti alkogoldi sýsyn ıisi ózine tartty. Iiske elitken pilder dúkenniń byt-shytyn shyǵaryp, 18 bóshke qoldan ashytylǵan spırtti iship qoıdy. Spırttiń qyzýy boıyna jaıylǵan mas pilder esterinen tanyp, derevnıanyń tas-talqanyn shyǵardy: úsh úıdi oırandady, egistik alqaptaryn jaıpady. Olardy toqtatýǵa polıtsııa kúshteri shaqyryldy.
Polıtsııa qyzmetkerleriniń aıtýynsha, pilderdiń jaıylatyn órisiniń joly derevnıa mańynan ótetin. Ashyqqan janýarlardy alkogol ıisi qyzyqtyrǵan. Polıtseıler olardy saýmalap, áreń degende tabynǵa qosty.
