Úndistanda 40-tan astam adam sýyqtan kóz jumdy
ASTANA. QazAqparat - Úndistannyń Ýttar-Pradesh shtatynda jalpy normadan aýytqyǵan sýyq saldarynan 40-tan astam adam kóz jumǵan. Jeltoqsan aıynyń ishinde jalpy 92 adam qurban boldy, dep habarlaıdy Rosbalt.
Times of India gazetiniń jazýynsha, sońǵy táýlikte sýyqtan qaıtys bolǵandardyń sany 43 adamǵa jetken. Aýa temperatýrasynyń tómendeýi men qalyń tuman saldarynan 150-den astam poıyz ben birqatar áýe reısteri toqtatylyp, jolaýshylar kóliginiń qozǵalysyna qıyndyq týdy.
Shtattyń aýmaǵyndaǵy aýa temperatýrasy aımaqtaǵy klımattyq normadan 10 gradýsqa deıin tómendegen. Sınoptıkterdiń boljamynsha, osyndaı sýyq áli birneshe kún saqtalady. Bılik kózderi úı-kúısiz adamdar úshin panalaý oryndaryn uıymdastyrýǵa shamamen 300 myń dollar kóleminde qarajat bóldi.
