Úndistanda 4 aıaqty, 4 qoldy náreste dúnıege keldi
ASTANA. QazAqparat - Úndistannyń Barýıpýr qalasynda tórt aıaqty, tórt qoldy náreste dúnıege keldi, ata-analary balany Qudaı-bala (God Boy) atady, dep jazady Newsru.com.
Keıbir jergilikti turǵyndar balany Joǵary álemniń reınkarnatsııasy dep qabyldaýda. Úndistanda qudaılar, atap aıtqanda uly Brahmý qudaıdyń birneshe qoldary men birneshe bastary bolǵan. Tórt qoly bolǵan ǵaryshtyq kúsh ıesi Shıva beınesi de osyǵan uqsas bolǵan.
Brıtandyq The Daily Mail basylymy Úndistan televıdenıesine silteme jasap, ata-anasy birneshe aıaq-qolmen týǵan balasy úshin qýanyshty ekendikterin habarlady, al jergilikti turǵyndar bul jaǵdaıǵa alańdaýshylyq tanytýda.
«Dúnıege kelgen kezde óz kózimizge ózimiz senbedik, dep aty atalmaǵan ata-analarynyń sózin keltiredi basylym, - bul taǵdyr syıy. Qudaıdyń uly».
Qudaı-bala dúnıege keldi degen sybys taraǵanda, din ustanýshylar balany kórýge asyqty. Polıtsııaǵa aýrýhanaǵa kelgen júzdegen adamdy tejeý úshin qaýipsizdik sharalaryn kúsheıtýge týra keldi. Olardyń keıbiri kóz jastaryna erik berse, keıbiri duǵa oqýda, dep atap ótti basylym.
Dárigerler onyń artyq aıaq-qolyn damymaı qalǵan syńar aǵasynyń músheleri dep boljaýda.
