Úndistanda 236 bala kóktemniń Hollı merekesinen zardap shekti
ASTANA. 10 naýryz. QazAqparat - Úndistannyń Mýmbaı qalasynda jyl saıynǵy kóktemniń Hollı merekesin toılaý kezinde 1 bala qaza bolyp, 200-den astam bala aýrýhanaǵa jetkizildi, dep habarlaıdy Ýtro.rý.
Olar tústi untaqtan ýlanǵan. Aıta ketken jón, bul mereke kezinde dástúr boıynsha kópshilik bir-birine tústi untaq laqtyryp oınaıdy eken.
Shalǵaı jerden Mýmbaıǵa kelgen jasóspirimderdiń kóbisi osy merekeniń qurbany boldy. Olar demikpe, júrek aıný, dene bórtý sııaqty dıagnozben aýrýhanaǵa jetkizilgen.
Hollı merekesin toılaý barysynda ýlanǵan 13 jastaǵy jasóspirim jan tásilim etti. Qaza bolǵan balanyń jeke tulǵasy anyqtalý ústinde.
Úndistannyń polıtsııasy oqıǵanyń kinálilerin izdestirýde. Eldiń eski dástúri boıynsha úndiler naýryzdyń basynda kóktemniń merekesin toılaıdy eken. Olar ymyrt túskenge deıin kempirqosaqtyń tústeri ispettes untaqty bir-birine jaǵyp, jaqsylyq tileıtin kórinedi.
