Úndistanda 22 adam kópirde bolǵan qyspaqtan ajal qushty
ASTANA. QazAqparat - Úndistannyń Mýmbaı qalasynda temirjol vokzalyndaǵy jaıaý júrginshiler kópirinde adamdar arasynda týyndaǵan qyspaq saldarynan 22 adam mert bolyp, taǵy 39-y jaraqattandy, dep habarlaıdy QazAqparat Sınhýa agenttigine silteme jasap.
Habarlanǵandaı, oqıǵa jergilikti ýaqyt boıynsha saǵat 10:40-ta bolǵan. Aıaq astynan nóserli jaýyn quıǵan. Qyzmettik poıyzǵa otyrmaq bolǵan halyq jańbyrdan tyǵylý maqsatynda kópirdiń astyna aǵylǵan, saldarynan adamdar arasynda qyspaq bastalǵan.
Úndistannyń Temirjol mınıstrligi zardap shekkenderdiń em-dom shyǵynyn óz moınyna alatynyn jáne oqıǵanyń mán-jaıyna tekseris júrgizetinin málim etti. Bul rette, el úkimeti men mınıstrlik qaza bolǵandardyń otbasylaryna - 500 myń rýpııdan, aýyr jaraqattanǵandarǵa - 100 myń rýpııdan jáne jeńil zardap shekkenderge 50 myń rýpııdan beretin bolyp sheshilgen.
