Úndistanda 180 jasaǵan qart turady
ASTANA. QazAqparat - Úndistannyń Varanası kentinde eń uzaq jasaǵan Mahacha Mýrası esimdi qart turady. Bul týraly túrkııalyq aqparat quraldarynyń birinde jarııalanǵan, dep jazady E-islam.kz saıty.
Qarııanyń qolyndaǵy bar qujattardy derek retinde alatyn bolsaq, Mýrası 179 jasta. 1835 jyly 6 maýsymda týǵan Úndistan azamaty 1957 jyly aıaq kıim óndirisine aralasqan. Óziniń sózine júginsek, 122 jasynda sol qyzmetinen otstavkaǵa ketken. "Ázireıl meni umytyp ketken shyǵar dep oılaımyn. Uzaq jasaǵanym sondaı, nemeremniń nemeresiniń ólimin kórdim. 150 jasqa jetken eshkim joq. Ólimsiz shyǵarmyn men?!" degen Mýrasıdiń densaýlyǵynda kinárat bolmaǵan desedi. Onyń eń sońǵy dárigeriniń ózi 1971 jyly qaıtys bolypty. Osylaısha Úndistandyq azamat álemdegi eń kári adam retinde Gınnestiń rekordttar kitabynan oryn aldy.
