Úndistanda 179 jastaǵy qart tabyldy
ASTANA. QazAqparat - Úndistanda 1835 jyly dúnıege kelgen qart adam ómir súrýde.
Mahashta Mýrasıdiń aıtýynsha, ol Bangalorda dúnıege kelgen. 1903 jyly Varanasıge qonys aýdarǵan. 1957 jylǵa deıin etikshi bolyp jumys istep, zeınetkerlikke qurmetti jas - 122-ge kelgende shyqqan.
«Nemerelerim baıaǵyda dúnıe salǵan. Meni ólimniń ózi umytyp ketken syńaıly», - dep aǵynan jaryldy Mýrası. - Ólýge degen úmitim de joǵala bastady. Múmkin ajalsyz shyǵarmyn».
Onyń rekordtyq jasyn anyqtaý múmkin bolmady. Týý týraly kýáligi de, tólqujaty da joq, ne tıisti mekemelerde tirkelmegen.
