Úndistanda 1400 metr bıiktikte áýejaı ashyldy
ASTANA. QazAqparat - Úndistandaǵy Pakyong jańa áýejaıy 1400 metr bıiktikte, Gımalaı taýlarynda ornalasqan. Áýe aılaǵy Sıkkım shalǵaı shtatyna qyzmet kórsetedi, dep habarlaıdy QazAqparat CNN-ge silteme jasap.
Onyń ashylýy Úndistan avıatsııasy men saıahatyndaǵy mańyzdy oqıǵa boldy.
Ashylý saltanatynda Úndistannyń premer-mınıstri Narendra Modı atap ótkendeı, jobaǵa 68,7 mıllıon dollar jumsalǵan. Bul úndistandyq ınjenerlerdiń úlken jetistigi jáne tehnıkadaǵy erekshe erlik.
2380 sharshy metrlik áýejaı termınaly 100 jolaýshyny qabyldaýǵa qaýqarly. Onyń eń basty ereksheligi - kóz tartarlyq Gımalaı tabıǵaty.
Bılik jańa áýejaı aımaqta týrızmdi damytady dep úmittenip otyr, óıtkeni Sıkkım - eń tanymal týrıstik baǵyttardyń biri. Atalmysh shtat Býtan jáne Nepalmen shektesedi, sondaı-aq 28 taýly shyńy, 21 muzdyǵy jáne 200-den astam kóli bar Gımalaı tabıǵatymen tanymal.
