Úndistanda 13 áıel qudyqqa qulap, mert boldy
NЬıÝ-Delı. QazAqparat – Úndistannyń Ýttar-Padesh shtatyndaǵy aýylda kem degende 13 áıel qudyqqa qulap, mert boldy, dep habarlaıdy QazAqparat.
The Indian Express gazetiniń jazýynsha, oqıǵa sársenbi kúni Kýshıngar aýdanynda bolǵan. Toı rásimi kezinde qatysýshylardyń biri qudyqtyń ústinde otyrǵan. Adam kóptiginen qudyq opyrylyp, ishine biraz adam qulaǵan.
11 áıel birden mert boldy, taǵy eki áıel aýrýhanada kóz jumdy. Dárigerler zardap shekkenderdiń ómiri úshin kúresip jatyr.
Úndistannyń premer-mınıstri Narendra Modı Twitter-de qaıtys bolǵan áıelderdiń týystaryna kóńil bildirip, zardap shekkenderdiń tez saýyǵyp ketýin tiledi.
