Úndistanda 100-ge jýyq adam alkogolden ýlanyp kóz jumdy
ASTANA. QazAqparat - Úndistannyń soltústik-shyǵysyndaǵy Assam shtatynda keminde 99 adam qoldan jasalǵan alkogolden ýlanyp, kóz jumdy. Taǵy 100-den astam adam aýrýhanada jatyr. Zardap shekkenderdiń barlyǵy shaı plantatsııalarynda jumys isteıtin jumysshylar, dep habarlaıdy QazAqparat BBC-ge silteme jasap.
«Bundaı jaǵdaı Úndistanda birinshi ret bolyp otyrǵan joq. Osydan birneshe kún ǵana buryn eldiń soltústigindegi Ýttar-Pradesh jáne Ýttarakhand shtattarynda da 100-ge jýyq adam sapasyz alkogoldiń qurbany bolǵan edi. Tergeý bastalyp ketti»,- dep jazady agenttik.
Assam shtatyndaǵy Golahat aýdanynyń ákimshisi Dıren Hazarıkanyń Frans press agenttigine habarlaýynsha, alkogolden kóz jumǵan alǵashqy fakt beısenbi kúni tirkelgen.
Polıtsııa qoldan ishimdik jasalǵan úıdi taýyp, bir jarym lıtr ónimdi tárkilegen.
