Úndistanda 100-den astam adam sýyqqa ushyrap, qurban boldy
ASTANA. 3 qańtar. QazAqparat - Úndistannyń soltústigindegi Ýttar-Pradesh shtatynda kúnniń sýytýyna baılanysty keminde 114 adam qaza boldy, dep habarlady RBK.
Sońǵy táýlikterde kóshelerde keminde 23 adam úsip óldi, dep málimdedi polıtsııa ókili Sýrendpa Shrıvastava.
Aýa raıyn boljaý departamentiniń málimetteri boıynsha, elde aýanyń ortasha temperatýrasy ádettegi klımattyq normadan 4-10 gradýsqa tómendedi.
Ýttar-Pradesh shtatynda jergilikti ókimet oryndary úısiz-kúısiz júrgenderge jyly jamylǵy taratýǵa pármen berdi, degenmen tóreshildik pen sybaılas jemqorlyqtyń saldarynan bul úderis uzaqqa sozylýda. Jergilikti kúrkesheler men baraqtardyń turǵyndary jyly kıimderge jáne jamylǵylarǵa zárý, sondyqtan da tabıǵattyń tósin minezi olardy ábigerge salýda.
Respýblıka astanasy - Nıý-Delıde 1969 jyldan bergi eń tómen temperatýra tirkeldi, termometr baǵany 9,8 gradýsqa deıin tómendedi. Sonymen qatar Úndistannyń soltústiginde qalyń tumannyń saldarynan ylǵaldylyq kúsheıip, apatty jaǵdaılar paıda boldy. Bul aýa raıy qubylysy kóptegen jol apattaryna ákep soǵýda.
